حوار بين ادم وحواء بس ياريت نكون صرحه مع بعض

الحلقه الاولي

هناك أمور يكرهها ادم في حواء أو لا يستطيع فهمها

(( و ))

هناك أمور تكرهها حواءفي ادم أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس

الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق حواء بطرح تساؤل عن أمر معين لا يعجبه في ادم

وسيقوم فريق ادم بالرد وتبرير الموقف

وبعد إعطاء الإجابات والمبررات الكافية يصبح فريق ادم في وضع

الهجوم

ويطرح سؤال على فريق حواء.....وهكذا يستمر الحوار

[ملاحظة]

يحق للجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))

سؤال من فريق حواء موجه الى فريق ادم "

لماذا يهتم الرجل بمظهره وزينته عندما يقوم بزيارة ما ويهمل زينته في

بيته وأمام زوجته؟

النقاش لكل سؤال يستمر 3 ايام
أعجبتني الفكــرهـ ونقلتها لكــم

_________________

عجبتنى فكره الموضوع يا مشمشه وهسيب ادم يرد عليكى بس ملاحظه ليا انوا مش كل ادم بيعمل

كده دى بتبقى حسب الشخصيه نفسها
_________________

حلوة قوة الفكرة بس ياريت الرد يكون بصراحة

_________________

انا رأيي بصراحه وبدون تحيز.

ان مش الراجل بس اللي بيهتم بمظهره انما الست كمان بتبقى شكلها ياحفيظ ف البيت وبره ياااااه بيحسدوه ع الجوازه دي مش كده

ع العموم الراجل بيهتم بمظهره عشان يقول للناس ان مراتي مهنياني ههههههههههه

_________________

هههههههههههههههههههههههههه عجبنى رايك يا مافيا ومأيداك فى موضوع انى الست كمان كده او

خلينا نقول نسبه منهم
_________________

يا جماعه لازم راي حواء في الموضوع برده
_________________

بصراحة مافيا عنده حق الزوج اما من شغله بيلاقى مراته شبه امنا الغولة عشان كده مبيهتمش بحاجة ادامها لكن ادام الناس حاجة تانية
_________________

انا راي بقي انه بيتشيك بره البيت علشان يحس دايما انه مرغوب ومش معني انه اجوز يعني يموت نفسه
وطبعا لم يبقي مرغوب يحس ان الي في البيت دي للاولاد وبس يعني تحمد ربنا انه مجوزها
_________________

ههههههههه لا طبعا يامشمشه ومتصدقوهاش ياأنسات ان الرجاله كده

الشياكه رد فعل طبيعي لان الناس الغريبه هتتخيل منظرك اليوم كله بني ادم شيك

اما لو نزلنا معفنين هيتأكدوا ان اليوم كله الشخصيه دي ومراته وعياله كلهم معفنين

لا مواخذه يعني

_________________

طب لو كده يبقي المفروض يبقي شيك في البيت برده ولا ايه رايك يا مافيا
_________________

يعني واحد قايم من النوم هيتشيك فين ف الحلم ؟؟

ولا لو جاي من الشغل ومخنوق طول النهار هيضرب الطقم الشيك فين ولا يغسل وشه فين ع السلم!!!

_________________

طب مبيبقي جي تعبان وبيتشيك علشان ينزل القهوه وفيها ايه لو نام وهو شيك غلط يعني ولا جه من الشغل وخد شور بقي نظيف ولا لازم وهو خارج بس
_________________

ده لو ماخدش حمام اول مايجي من الشغل يبقى معفن معلش
والست برضه مش لازم تستنى جوزها منكوشه والملوخيه ع الجلابيه وريحتها بصل وثوم
_________________

اكيد هي مش هتبقي معفنه يعني
_________________

وأكيد هو مش معفن ياجماعه

_________________